Xhan Jyxhel

E ndalume m’thanë për ty

E ndalume, m’thanë për ty

Ndalesat janë për mu shkel, thashë

E pamundun m’thanë për ty

E randësishme asht me arrit t’pamundunën, thashë

Nuk bahet, m’thanë për ty

N’botë s’ka gja që nuk bahet, thashë

E vështirë, m’thanë për ty

Po t’ish kanë e lehtë s’kish pas vlerë, thashë

Çka ke gjet te ajo, m’thanë

Ata që e kam lyp te krejt e që s’e kam gjet, thashë

Çka asht ajo për ty, m’thanë

Fytyra jem që kesh n’jetë, thashë

Qysh je lidh ashtu me ta, m’thanë

Unë jo, ajo m’ka lidhë, thashë

A t’ka dashtë edhe ajo si ti, m’thanë

Qe kjo ke gjaja e vetme që nuk mujta me ju përgjigj

Nëse nuk e di këtë, hiq dorë m’thanë

Po t’isha kanë që hjeku dore nuk kisha dashunu, thashë

Dashnia asht me dashtë pa arsye

Dashnia asht me dashtë pa arsye

Me u lidhë me dikan pa naj shkak

Kur t’kqyrsh n’sytë e saj me u shkri përmrena

Kur t’i mbajsh duert me u dridhë me krejt egon

Madje asht mos me u përqafu prej marres

Sepse në fakt me dashtë asht me pas marre

Çka asht me dashtë n’fakt?

A me dekë n’rrugën për ta?

A me jetu me ta?

A me dashunu gjatë tanë jetës?

Apo me u nda kur nevojitet?

Çka asht ajo qe e lidhë njeriun me tjetrin?

Nuk i di kërkush përgjigjet e këtyre pytjeve

Kush e do te bukuren, kush mallin?!

Nuk duhet të lidhesh

Nuk duhet të lidhesh më diçka ashtu verbërisht

Nuk duhet të thuash nëse nuk është ai/ajo nuk mund të jetojë

Nuk duhet të thuash pra

Sepse jeton

Nuk është e nevojshme të thuash fjalë të padobishme

Nuk duhet të duash shumë shembull. Nëse ai/ajo do më pak, thyhesh

Zaten, zakonisht ai/ajo të do më pak

Ngaqë ti e do atë

Nëse nuk dashuron shumë, nuk vuan shumë

Kur nuk zotëron shumë, nuk i përket shumë

Madje, nuk duhet zotëruar shumë as duart e këmbët

Duhet të veprosh sikur nuk janë tuat

Kur nuk ke asgjë, nuk frikësohesh nga të humburit

Duhet të veprosh sikur mund të jetosh edhe pa to

Shembull, shumë gjëra nuk duhet të kesh në shtëpi

Mund të ecësh në rrëmujë të madhe

Nëse gjithsesi do të zotërosh diçka

Duhet t'i zotërosh vendet ku bashkohen çatitë më qiellin

Duhet ta zotërosh qiellin

Diellin, hënën, yjet...

Shembull, ylli i veriut do të jetë ylli yt

Ai është i imi do të thuash

Nëse do që gjithsesi diçka të të përkas ty...

Shembull, ylberi do të jetë yti

Nëse gjithsesi do t'i përkasësh diçkaje, duhet t'i përkasësh ngjyrave

Shembull, të portokalltës, apo rozës

Ose parajsës do t'i përkasësh

Duhet të jetosh pa zotëruar shumë, pa i përkitur shumë diçkaje

Edhe sikur çdo çast do të rrjedhë e të ik nga grushtat tu

Edhe sikur përgjithmonë do të jetë jeta jote

Duhet të jetosh i bashkangjitur. Nga maja duke e mbajtur...

Duhesh ta dish që

Duhesh ta dish që... duhet ta dish që...

Diplomat e varura në mure nuk mjafton për ta bere njeriun njeri

Duhet ta dish që..

Sa më shumë që të përdoret fjala e dashurisë,

Aq më shumë i zvogëlohet pesha e kuptimit

Duhet ta dish që...

Është e vështirë të gjesh se ku ka shkuar vija jote mes të mbrojturit të besimeve tua dhe mos thyerjes se personit përballë

Duhet ta dish që...

Në mes miqve të vërtet nuk ka distancë

As në mes dashurive të vërteta

Duhet ta dish që...

Përvoja jote nuk ka të bëjë më atë se sa ditëlindje ke festuar,

Por çfarë lloj eksperiencash ke përjetuar

Duhet ta dish që...

Familja nuk është çdo herë pranë njeriut

Mund të mësoni dashuri besim dhe interesim nga personat që të afërm nuk i keni

Familja nuk është gjithmonë biologjike

Duhet ta dish që...

Sa do që të afërm të jenë edhe miqtë e ngushtë mund të hidhërohen ndonjëherë

Duhet falur ata

Duhet ta dish që...

Nganjëherë nuk mjafton falja e të tjerëve

Njeriu duhet vetën ta fal

Duhet ta dish që...

Sa do që brendësia ju gjakos bota nuk e ndalon rrotullimin e saj për ju

Duhet ta dish që...

Kushtet dhe ngjarjet, mund të ndikojnë në atë që jemi

Mirëpo jemi përgjegjës vetë për atë që jemi

Duhet ta dish që...

Nëse dy persona debatojnë, nuk nënkuptohet që se duan njeri tjetrin

Nuk nënkupton që duhen ata që nuk debatojnë

Duhet ta dish që...

Çdo problem fsheh brenda vetës një mundësi

Dhe problemi mbete grimce e vogël përballe asaj mundësie

Duhet ta dish që...

Po humbe shpejt dashurinë, e vuajtja zgjatë më vite

(Përktheu nga turqishtja: Fatijona Bajraj)