Prej mejit t'ashkut prej që kam pi

Mest jam ba, vedin hupun e kam, as emnin tem ma s’po e di

Kam harru emna, data e histori

Çdo faqe shpirtit m'asht mush me dashtuni

N'mejhane t'ashkut prej që kam hi

Mija qypa vene ashku i kam pi

T'lutna aman, ja saki, mushma edhe nji kadeh t'pi

Ta hupi vedin, e tan kit’ rrokulli

E veç ashkut ilahi gja tjetër mos t'di

T'lutna aman, ja saki, derdhi n'mu lumejtë e dashtunisë, lumejtë e ashkut t'Perenisë

Lem me shiju dehjen e dashtunisë, lem t'djegna n'zjerm t'saj e t’bahna hi...

E ti, ja saki, ngjallem si feniksin me nji pikë prej mejit t'ashkut ilahi,

që prej se kam pi kam hup vedin, e udhës t'Hakkut i jam ba fli...

Jam djeg n'zjerm t'ashkut, e pervane jam ba, jam zhurit n'zjerm t'ashkut e jam ba mybtela

Mevlana qysh ka thanë, ashku s'asht aq sa menu ki, po ashku asht aq sa je djeg ti...

Aman, ja saki, mushma edhe nji kadeh t'pi, veç ashkut  ilahi asnji gja tjetër mos t'di..